日本鐵路周遊券介紹 : 心齋橋/難波/天王寺/梅田 - Osaka Visitors' Ticket @ 青青一個人制霸日本都道府縣

超值大阪優惠券！嚟大阪玩一定都會踏足心齋橋，難波，天王寺，日本橋，梅田主要地方，尤其全部都係購物同食嘢地區。各個地方相距都唔係差好遠，只係一個至幾個站之間距離。通常仲會來來回回咁走返轉頭搭車食宵夜或者係繼續血拼。

最啱就係有一張【大阪地鐵 • 巴士一日乘車券】可以搭嚟搭去無限次去盡大阪市內地方，而且仲包埋好多觀光地方嘅折扣券，例如參觀大阪城，通天閣，梅藍天大廈，天王寺動物園等等。

【Osaka Visitors' Ticket 大阪地鐵 • 巴士一日乘車券】

☞ 周遊券價格：550円 (只限成人)

☞ 使用範圍：全部大阪市營地鐵路線

☞售賣地點：

關西旅遊訊息服務中心。( 位於關西國際機場第1航廈 )

http://www.tic-kansai.jp/cc/

觀光情報廣場。(位於關西國際機場第2航廈 )

http://www.izumisano-machidokoro.jp/ch-h/

關西旅遊訊息服務中心 (位於心齋橋 / 大丸心齋橋）

http://www.tic-kansai.jp/cc/

☞ 注意

呢張周遊券只可以上述地鐵買，大阪地鐵站內冇得買。需要出示外國護照購買。

☞網址：http://www.kotsu.city.osaka.lg.jp/foreign/chinese-trad/osaka1daypass_chinese_trad.html

【心得】

呢張Pass真係好用，好多時都會一日市區內都會搭好多次大阪嘅地鐵，去心齋橋，黑門市場，道頓堀，新世界呢啲地方真係去完又去，仲可能最後返轉頭再掃貨同食嘢，係方便之外仲慳錢添。而且仲有大家會常去嘅觀光地方都有折扣，呢張實在係冇任何缺點。

有關各種關西地區嘅鐵路周遊券可以CLICK入去睇。

周遊券名稱	鐵路營運公司	適用範圍
Osaka Visitors' Ticket	大阪市營地鐵	全部大阪市營地鐵路線心齋橋，難波，天王寺，日本橋，梅田
Kyoto-Osaka Sightseeing Pass	京阪電鐵南海電氣鐵道	八幡宮，宇治川，平等院，清水寺，伏見稻荷。道頓堀，黑門市場，通天閣，心齋橋，梅田，天王寺，大阪城。
Himeji Tourist Pass (姬路旅遊券)	山陽電車南海電氣鐵道	姬路城，舞子公園，須磨浦公園，神戶及三宮購物地點。關西機場站往難波站。
Hanshin Tourist Pass 1day	阪神電鐵	神戶及三宮購物地點。難波，梅田。
Kintetsu Rail Pass	近畿鐵路	道頓堀，黑門市場，伏見稻荷，清水寺，東大寺，春日大社，奈良公園，興福寺，吉野山，伊賀，伊勢神宮，名古屋城，Oasis 21
JR關西地方周遊券	JR西日本	環球影城，天王寺，大阪城，梅田，京都，神戶，三宮，和歌山奈良公園，大津，米原，敦賀，關西機場
JR關西廣域地方周遊券	JR西日本	環球影城，天王寺，大阪城，梅田，京都，神戶，三宮，和歌山，奈良公園，大津，米原，敦賀，關西機場天橋立，串本，那智，城崎溫泉，岡山，高松，倉敷，白濱

====================

外部連結

====================

青青一個人制霸日本47個都道府縣 (12/2014 - 12/2016)

☞ 自己係一個普通嘅香港打工仔，趁後生三十歲前，自己無咩負擔嘅時候，訂立一個目標去，兩年時間內 (12/2014 - 12/2016) ，分開17次時間，唔識日文情況下，自己一個人遊歷日本47個都道府縣。

☞ 一次巧合情況下，自己嘗試一個人去日本旅行，獨自探索更多郊區地方，接觸更多當地生活風貌。從此對日本各地產生好奇，而且決心自己一個人，唔識日文嘅情況下，靠鐵道同巴士，走勻47個都道府縣，探究各地嘅日本自然祕景，以及令人讚嘆嘅絕景。由2014年12月開始，為期約兩年時間，用盡年假同公眾假期，展開命為【JAPAN WONDER QUEST】嘅計劃，獨自感受日本大自然嘅美態。

☞ 網址：http://ao37182.pixnet.net/blog/post/213131848

☞ Facebook： http://blog.ulifestyle.com.hk/blogger/ao37182/?p=2922849