日本鐵路周遊券介紹 : 京都, 大阪, 奈良, 神戸, 姫路, 和歌山地區－青青一個人制霸日本都道府縣

嚟關西主要地區遊覽，例如大阪，京都等地方，一定要有張周遊券旁身，咁就可以慳唔少錢！

關西地區都推出好多款嘅周遊券，特別係前往京都，大阪，神戶地方，只要因應自己行程需要，再買相關記周遊券，咁可以慳唔少旅費喺交通方面。

關西地方最主要嘅交通係鐵路，基本上鐵路網絡非常完善，甚至係會覺得複雜到唔知邊個站先啱。關西嘅鐵路都分咗好多唔同公司營運。不過，作為遊客最重要淨係記得兩類公司就可以。

第一就係JR，全名叫JAPAN RAIL。係一間全國性營運鐵路公司，而關西地區就屬於其下嘅JR西日本公司經營。第二類就係私鐵，即係私營鐵路。簡單嚟講唔係JR公司營運嘅鐵路全部都叫做私鐵。

分呢兩大類嘅重點係關西地區周遊券通常都係由JR公司發出，一係幾間私營鐵路公司合作出一張周遊券。最大特點分為兩類係因為大多數JR周遊券係唔可以搭私鐵嘅鐵路。而相反私鐵周遊券亦都唔可以搭JR列車。

因為日本有好多車站係唔單止一間鐵路公司營運，所以要知自己所持嘅周遊券同埋要搭嘅列車係屬於JR公司定係其他私鐵嘅公司。

有關各種關西地區嘅鐵路周遊券可以CLICK入去睇。

周遊券名稱	鐵路營運公司	適用範圍
Osaka Visitors' Ticket	大阪市營地鐵	全部大阪市營地鐵路線心齋橋，難波，天王寺，日本橋，梅田
Kyoto-Osaka Sightseeing Pass	京阪電鐵南海電氣鐵道	八幡宮，宇治川，平等院，清水寺，伏見稻荷。道頓堀，黑門市場，通天閣，心齋橋，梅田，天王寺，大阪城。
Himeji Tourist Pass (姬路旅遊券)	山陽電車南海電氣鐵道	姬路城，舞子公園，須磨浦公園，神戶及三宮購物地點。關西機場站往難波站。
Hanshin Tourist Pass 1day	阪神電鐵	神戶及三宮購物地點。難波，梅田。
Kintetsu Rail Pass	近畿鐵路	道頓堀，黑門市場，伏見稻荷，清水寺，東大寺，春日大社，奈良公園，興福寺，吉野山，伊賀，伊勢神宮，名古屋城，Oasis 21
JR關西地方周遊券	JR西日本	環球影城，天王寺，大阪城，梅田，京都，神戶，三宮，和歌山奈良公園，大津，米原，敦賀，關西機場
JR關西廣域地方周遊券	JR西日本	環球影城，天王寺，大阪城，梅田，京都，神戶，三宮，和歌山，奈良公園，大津，米原，敦賀，關西機場天橋立，串本，那智，城崎溫泉，岡山，高松，倉敷，白濱

====================

外部連結

====================

青青一個人制霸日本47個都道府縣 (12/2014 - 12/2016)

☞ 自己係一個普通嘅香港打工仔，趁後生三十歲前，自己無咩負擔嘅時候，訂立一個目標去，兩年時間內 (12/2014 - 12/2016) ，分開17次時間，唔識日文情況下，自己一個人遊歷日本47個道道府縣，日後時間都可以令自己回味。

☞ 一次巧合情況下，自己嘗試一個人去日本旅行，獨自探索更多郊區地方，接觸更多當地生活風貌。從此對日本各地產生好奇，而且決心自己一個人，唔識日文嘅情況下，靠鐵道同巴士，走勻47個都道府縣，探究各地嘅日本自然祕景，以及令人讚嘆嘅絕景。由2014年12月開始，為期約兩年時間，用盡年假同公眾假期，展開命為【JAPAN WONDER QUEST】嘅計劃，獨自感受日本大自然嘅美態。

☞ 網址：http://ao37182.pixnet.net/blog/post/213131848

☞ 網址：http://blog.ulifestyle.com.hk/blogger/ao37182/?p=2922849