青青一個人制霸日本都道府縣

一張好超值關西地區嘅周遊券，雖然關西地區有多款唔同嘅周遊券，但講到覆蓋範圍最大嘅一定係呢張由JR西日本推出嘅（關西地方鐵路周遊券）。可以話一張周遊券包括咗京都，大阪，和歌山，奈良，神戶等地方，加上亦都包括咗往來關西機場嘅特急列車。

此外，呢張周遊券使用日期嘅裡類別更有四款選擇， 有一日，兩日，三日同四日嘅（關西地方鐵路周遊券），彈性程度係咁多張周遊券比較高。 

【關西地方周遊券 Kansai Area Pass】

☞ 周遊券價格（喺日本國外上網預訂、經旅行社購買）：

• 一日：2,200円 (大人)，1,110円 (小童)
• 兩日：4,300円 (大人)，2,150円 (小童)
• 三日：5,300円 (大人)，2,650円 (小童)
• 四日：6,300円 (大人)，3,150円 (小童)

☞ 周遊券價格（喺日本當地購買）：

• 一日：2,300円 (大人)，1,150円 (小童)
• 兩日：4,500円 (大人)，2,250円 (小童)
• 三日：5,500円 (大人)，2,750円 (小童)
• 四日：6,500円 (大人)，3,250円 (小童)

☞ 使用範圍： 

☞ 售賣地點：

• JR西日本的售票處：敦賀、京都、新大阪、大阪、神戶、新神戶、三之宮、姬路、二條、宇治、嵯峨嵐山、京橋、鶴橋、天王寺、新今宮、弁天町、西九條、關西機場、奈良、JR難波、和歌山
• 香港嘅旅行社購買交換券
• 網路上預約，然後喺JR西日本的售票處領取

☞ 注意：

1. 除關西機場特急列車HARUKA外，遊客只可以乘搭新快速，快速及普通列車， 其他以外列車有職員查周遊券及補回乘坐特急列車嘅額外費用。
2. 每一款JR周遊券喺一次旅行期間只可以購買一次。

☞ 網址： https://www.westjr.co.jp/global/tc/ticket/pass/kansai/

【心得】

呢一張周遊券可以去到關西好多地區，不過當中不足係一啲熱門嘅景點可能其他周遊券比較有優勢。好似呢張（關西地方周遊券）就唔可以到達難波購物地區（注意：南海難波站／大阪難波站／地鐵難波站係完全唔等於JR難波站，JR難波站要去其他三個難波站都要行十五分鐘， 而且嗰三個私鐵難波站先係最近難波購物地區。），另外亦都去唔到心齋橋，黑門市場位置，仲有一啲京都嘅觀光地方都唔可以直接去到，例如河原町，清水寺，嵐山等地區。去呢啲地方就要轉乘私鐵列車到達。

原因係JR西日本鐵路喺關西地區完善程度比私鐵低，尤其係大阪區域同京都區域。所以如果係多日數前往幾個地區，例如大阪加埋神戶加和歌山等唔同地區就建議用呢張（關西地方鐵路周遊券），唔係嘅可以留意其他私鐵推出嘅周遊券可能更實用。

有關各種關西地區嘅鐵路周遊券可以CLICK入去睇。

====================

外部連結

====================

青青一個人制霸日本47個都道府縣 (12/2014 - 12/2016)

☞  網址：http://ao37182.pixnet.net/blog/post/213131848

☞  網址：http://blog.ulifestyle.com.hk/blogger/ao37182/?p=2922849